قصيده لوااحد اسممه
عبدالله اهداها لحبيبته
ريم يوم زواجها
7
7
7
7
7
يا شين الدنيا لا ضاقت عليك وصـار حالـك حـال
جـروحٍ تمتحـن قلـبـك ولا تـقـدر تجاريـهـا
رحل عنك حبيب الروح وجاك الهـم وهـو يختـال
خذاهـا غيـرك لحضنـه وقلبـك ميـت يبيـهـا
تبعته مانـي مصـدق وعشـت الحـل والترحـال
ورحـت لشـرق موطنـا لجـل بالعـرس اهنيهـا
لقيت الناس مجتمعـه ومقسومـة نسـاء ورجـال
فجـأة انشلـت اقدامـي وقـام الدمـع يرجيـهـا
قطعتي لشوف محبوبك طريقٍ صعب وسـط رمـال
وباقـي عالقصـر خطـوة رجيتـك يلـه امشيهـا
دخلت وشفت منهـو خـذ حياتـي منـي والآمـال
في بشتـه واقـف يسلـم علـى نـاسٍ ويمشيهـا
صرخت وصحت في صدري واشوف الدمع مني سال
ذكـرت الريـم فـي ليلـه تحاكينـي واحاكيـهـا
تقول بعرسنا يـا حـب باسـوي شـي مـا ينقـال
بأعلـم هالبشـر وشلـون تحـب الـروح مغليهـا
قربت وجيـت ابـارك لـه وقفـت وكننـي تمثـال
وقفـت قبالـه اتبسـم واطالـع عينـه وأوصيهـا
أوصيّها على ريمـي يعيشهـا فـي احسـن حـال
تعيـش العمـر فـي راحـة ولا يــومٍ يبكيـهـا
تراهـا غاليـة عنـدي حتـى غيابهـا لـو طـال
أنـا باقـي أسيـر لعينهـا اللـي منفتـن فيـهـا
فمـان الله ياريمـي عسـى دايـم وسيعـة بــال
عسى الدمام تسعـد بـك وتهنـي فـي أراضيهـا
رجعـت لديرتـي بأحـزان قويـة بالحشـا تغتـال
تركـت الريـم بجـروحٍ وهـمٍ معهـا يطويـهـا
لقيت ان الريـاض اللـي فقدتهـا مكتسيهـا ظـلال
ظلام وهم مع حيـره ولا بـه مـن هـو يضويهـا
انا منهو بقى لي اليـوم يشاركنـي معـي نختـال
ما غير جروح تذبحنـي ولا لـي حمـل أجاريهـا
::::
::::::::
::::::::
::::::::
::::::::
::::::::
::::مدري وش لون تحمل قلبه
